Хараа алдам талыг, харж маналгүй орхиод
Хараа булаам цэцэгсээн, хар гэртээн үлдээгээд
Халаас дүүрэн амьдрах гэж, харь орныг зорьсон
Хатуу хүтүүгийн нугачаанд бор дарстай зүтгэсэн
Харь нутагт суугаа залуу чамаасаан асууя би
Хаалганы чинь түгжээ бөх болуу гэж асууя
Хилийн чинь манаанд хэний үр зогсоо вэ гэж асууя
Хүй дарсан чулуу чинь, хөдлөө болуу гэж асууя би
Бүсгүй миний бядгүй турьхан хэдэн хуруунд
Бор гэрийн чинь өрхний уяа багтах болуу гэж асууя би
Богино заяасан балчиг бяцхан ухаанд минь
Бодол хурьнуулж зовоосон бүхнийг чамдаан хэлье би
Богд уулын чинь энгэрт хатан туул хорсон уйлж байна гэж
Бядгүй хэдэн загасыг баруун зүүнгүй хаячин цурхирч байна гэж
Баатар хотын чинь төв хэсэгт, бохир шаахайны мөр хэсүүчилж байна гэж
Бодлогогүй хэдэн ноёд, байраан булаалдан хашгиралдаж байна гэж
Сүлжиж самнасан гэзэгний минь боолт, сүрлэн шаахай дэрлэн унаагүй гэж
Сүүдэр газраар дагжин чичирч, сүйтэгнэсэн бүхнээс айн бэмбэлзэж байна гэж
Сархад дарсанд живсэн, саахалтын залуугаас харцнаас зугатаан байж
Сайн мууг тунгаасаар, санасан бодсоноон өчиж
Хэзээ ирэх вэ гэж хамгийн сүүлд нь асууя би!
2008.01.04
Cheongju, South Korea
Subscribe to:
Post Comments (Atom)
3 comments:
mglclub.com oos hulgailsan baina. bitgii ingej busdaas hulgailj bai. ene tendees avsan bol medeelliin eh survaljiig durdaj sur gej helmeer baian.
Миний хүү, тэр MGLCLUB-ийн шүлгийг маань авч тавьсан эзэн нэрийг минь биччихсэн байгаа. :)
ene shuleg chin uneheer taalagdlaa,
Post a Comment