Мэдсэн бол доо би.

Харанхуй сэтгэлд дэн асаачихаад
Хайлуулж үлдээгээд явах байсан юм бол
Алдаж гээсэн амьдралыг минь тууччихаад
Арагш үл харан алхаж одох байсан юм бол

Бяцарч хоцорсон бяцхан зүрхэнд минь
Барагдашгүй гуниг нэмэн одох байсан юм бол
Хэн нэгэнд итгэж ядах сэтгэлд
Хэзээ ч эдгэршгүй шарх үлдээж явах байсан юм бол

Асаасан дэн чинь сэтгэлд минь шатахыг
Аадарлах нулимсанд уугиж үлдэхийг
Алаг нүдэнд минь гуниг хурахыг
Атгахан зүрх минь базлаж хоцрохыг

Мэдсэн бол доо би.

2009.02.10
Cheongju, South Korea

Догдолж жаргасан сэтгэл мартагдашгүй ...

Сайхан залуугийн харц харцыг минь булаасан
Сайхан халуун үгс нь зүрхийг минь догдлуулсан
Харцыг минь нэвт унших шиг халуу дүүгтэл ширтсэн
Халх сайхан эрийн ярианд би мансуурсаан

Чамд өгсөн хайраан сэтгэлийн мухартаан чулуудчихаад
Чамайг санагдуулсан бүхнийг газрын хол хаячихаад
Зуун зуун өдрийг сэтгэлдээн би төсөөлөн
Зуурдхан хором ч гэсэн чамайг би мартсан

Уйтай нүдний минь харцыг удтал ширтэн суухдаан
Ухаалаг бүсгүй юм даа гэж сэтгэлд минь чимэг нэмэхэд
Хамаг бүхнээн мартаад халуун цээжийг нь түшсэн
Халуун гарыг нь атган удтал ярилцаж суусан

Энгэсэгний минь үнэрт өөрөөн тэр мансуурч
Эзэнгүй сэтгэлээн барьж ядан эвлүүлж ядан асуусан
Нуугдаж суусан сэтгэл минь намайг зэмлэн чимхэлхэд
Нууц нууцхан санаа алдаж нутгийн залуу гоморхсон

Гээж болдоггүй зүйл гэж сэтгэлд л ганцхан байдаг бололтой
Гэгэлгэн насны дурсамжийг л булшилж ганцхан болдоггүй бололтой
Догдолж жаргасан сэтгэл өнө мөнхөд мартагдашгүй нь болтой
Дурлаагүй залуутай хэзээ ч учирч чадахгүй нь болтой.

2009.02.02
Cheongju, South Korea

Дэлхий надаар дутна

Урсаж дусалсан нулимсаар
Уй гашуу дутна
Улайсаж цогшсон цучлаар
Улалзаж ассан түүдэг дутна

Өнгөрсөн нэг хормоор
Өнөөгийн түүх дутна
Өлгийтэй бяцхан үрээр
Өнө мөнхийн амьдрал дутна

Тарианы ганцхан үрээр
Тансаг амттан дутна
Тэнгэрлэг бүсгүй чамаар
Тэртээд суугаа залуу дутна

Үлэмжийн их хайр
Үнсэлтээр үргэлж дутна
Ганцхан сайхан үгээр
Гарцаагүй сэтгэл дутна

Хайраар хайр дутна
Харанхуй гэрлээр дутна
Гэрэл гээчийн илч нь
Гэгээн ертөнцийн тоосоос дутна

Үйлийн үр үйлдэл гээчээр дутна
Үеийн үе гээч үр хүүхдээр дутна
Ертөнцийн өчүүхэн хумхийн тоос надаар
Ерөөс бүх дэлхий дутна

2009.03.10
Улаанбаатар хот.

Бүсгүй чамд атаархана би

Саарал үүл нар халхлан зэгэлтсэн өдрүүдэд
Сатаарч үл дасах харь нутгийг умартан
Саран наран үүлэн цаагуур шумбахыг харж суугаа
Сайхан монгол бүсгүй чамд би атаархаж сууна

Усны өрөөнд хөөс цацлан суухдаан
Удтал нутагаан би санагалзаж
Уулын хүйтэн усанд уран гуалиг биеээн угаах
Ус нутгийнхаан бүсгүй чамд би атаархана

Зөөлөн буйданд шигдэн суухдаан би
Зайдан морь унасан бүсгүй чамд атаархана
Зурагт үзэж нүд чилээн суухдаан
Зураг шиг газар амьдарч буй бүсгүй чамд би атаархана

Болор овжуур таазан дээрээс унжин
Бодол юуг минь өөр лүүгээн татахад
Бор гэртээн од тоолон амараа
Боржигон удмын сэвгэр чамд атаархана

Харь хэлээс бадар барин тэнэж
Хаа нэгтээ интернэт ухаж суухдаан
Холч ухаант өвгөдийн шашлиж үлдээсэн сударыг
Хадгалж суугаа бүсгүй чамд би атаархана

Халуун хүйтнийг зодолдуулан байж
Хачир голцуу хоолыг хоолой давуулан зооглохдоон
Гамбанз хутга хоёр зодолдуулан байж
Гурилтай шөл чанаж суугаа бүсгүй чамд би атаархана

Гэрлэн чимэглэл мэлтийсэн харь нутгийн шөнөөр
Гаазан халаагуур асаан гэртээн гиюүрэн суухдаан
Гэгээн мичид тэнгэрийн наагуур хөшиглөхөд
Гэртээ гал түлэн дулаацаж суугаа бүсгүй чамд атаархана

Ганц хоёр мөнгө хийж кноп дараад
Гарт унаж ирэх гаазтай ундаа уух зуурааан
Гэрэлт наран үүлэн цаагуур шумбах зуур
Горхины ус эгэлдэргэлэн тавхай гялалзуулах бүсгүй чамд атаархана

Хүйтэн дэрэнд толгой наан
Хаяахан нэг хань болж чаталсан залууг би санахдаан
Хүдэр цээжинд нь нүүрээн наан унтсан
Хүүхэн хонгор бүсгүй чамд би атаархана

Уул усаан нүхэлж босоо шороо овоолсон
Уулсын цаадах харь нутагт би суухдаан
Янгир угалз уулан дээгүүр сэрийсэн
Яндашгүй баялагт нутагтаан суугаа бүсгүй чамд би атаархана

2009.01.29
Cheongju, South Korea

Дурлаж билээ...

Зөрөөд өнгөрсөн залуу чамд би дурлаж билээ
Зүггүйхэн харцанд чинь тэхэд би нэвт сүлбүүлж билээ
Би дурлаж билээ
Тэхэд нэг чатанд түүнтэй танилцаж билээ
Тэртээ холыг товчлон хажууд юм шиг янаглаж билээ
Би дурлаж билээ
Найзуудтайгаан бүжиглэж байгаад танилцаж билээ
Навсайтлаан уучихсан хирнээн чамд утсаан би өгч билээ
Гүй би нэг дурлаж билээ
Тэнэгхэн насны гэнэхэн учрал байж билээ
Тээр жил би нэг түүнтэй учирч билээ
Би дурлаж билээ
Дурлал надад өөрөөн дурлаж байж билээ
Дурлал гэж архинд согтож байж билээ

2009.03.26
Улаанбаатар хот.

1234

Уйтгарлавал чинь цугтаан наргих нөхөр 4
Уйлвал чинь нулимсийг чинь арчих нөхөр 3
Бүдэрвэл чинь түшээд босгох найз 2
Бурууг чинь чамтай хуваалцах анд 1

Хэнд ч хэлэхгүй нууцаан шивнэж үлдээх найз 1
Хэлж амжаагүй байхад хүртэж сонсох нөхөд 4
Хатуухан хэлсэн үгэнд чинь хар санагч хэзээд 2
Халуухан инээсэн баясалд чинь хамтдаан хөгжигч харин 3

Дулимагхан явахад чинь дугтраастай чирээстэй явах найз 1
Дундхан явахад чинь дуутай шуутай найз 2
Саар явахад чинь салбайтал дээрэлхэгч 3
Сайн явахад чинь сараалж атаархагч 4

2009.04.02
Улаанбаатар хот.

Зүүд шиг ирээдүй

Чамайг эмгэн, өвгөн нас хүлээж байгаа
Чимээгүйхэн мөлхөөд дөхөж яваа
Чихэр шиг залуу нас чинь ямх ямхаар хайлж байгаа
Чиний гэх бүхэн энэ хорвоод хөгширч, хуучирч байгаа

Тэртээ хол чамайг нэг эмгэн, өвгөн хүлээж суугаа

Нүүр дүүрэн инээмсэглээч битгий ярвай гэж
Нүдэнд минь ийм үрчлээс байх ёсгүй ээ одоо инээ гэж
Уужимхан энэ хорвоод уртын дуу шигээн цээлхэн байж
Уужуу холыг хараач гэж сөөнгө хоолойгоор

Тэр эмгэн, өвгөн хашгирч байгаа

Ард чинь хагацал, учрал аль аль нь хүлээж байгаа
Алсхан, алгуурхан бүхнийг бодож шийдээ гэж
Ай даа залуу нас минь залуу нас минь
Айварган явдлын зүүдэн зэрэглээ минь гэж

Тэр эмгэн, өвгөн үглэж суугаа

Зүүд шиг хоосон ч зөнөг тэднийг өнөөдөр зөгнө
Зүрх чинь янгинах ч заавал нэг бодоод үз
Өнөөдөрийн чи маргаашийн чи өвгөн, эмгэн чи бүгд өөр
Өмнөө байгаа толиндоо өөрийнхөөн царайг сайтар хараад ав.

Зүүд шиг ирээдүй чамайг хүлээж байгаа.

2009.04.15
Улаанбаатар хот.

...

Цагаан цасан дэр мөр сараалах завгүй л өдрийг элээж
Цүнх дүүрэн ном чирсээр л гэртээн би ордог
Өнгө дүүрэн амьдралыг өөрөөлөөс би нэхэлгүй
Өнөөдрийг маргаашийн төлөө гэж хичээнгүйлэн л хугасалдаг
Дуугайхан би дэлгэц ширтэж үдшийг жаргаадаг
Дуулим энэ хорвоог дэлгэцэн дотроос л олж би хардаг
Дуусашгүй эргэлдэх цагийн зүүнд зүүгдээстэй л эргэлддэг
Дутмагхан энэ амьдралтай дуу аялан нүдэлддэг
Хайрлуулж бас дурлуулж явах омог бардам залуу нас надад байна
Хайлж бас уясаж явах оргилуун итгэл ч бас байна
Хатуу орчлонгийн жавар үргэм халуун сэтгэл ч надад байна
Хагацал учралын түүх дүүрэн хөлдөж гэссэн зүрх ч бас байна
Хорин хэдхэн насаан харамчийн авдарт цоочилж
Хорвоогийн бор хоногийг хар цагаантай зодолдуулчихаад
Дуусаж тасалдсан бэхнийхээн адил дусагнаж унасан нулимастайгаан
Дурайсан урт замыг өөрийнхөөрөөн л мутарлаж сууна.

2009.04.20
Улаанбаатар хот.